最近先得知烽火大唐要封測既消息,琴日匆匆忙忙DL完主程式,註冊咗個帳號，就即刻開始...
入到烽火大唐之後,發現烽火大唐有好多地方出乎意料咁觸動我,於是決定開哩條post,講下自己琴日參加封測嘅感受。

首先從畫面上嚟講,烽火大唐嘅3D效果仲OK，畫面嘅精緻性都值得考究,整體風格似乎有完美嘅婉約味道,但系又加入咗一D盛世既豪邁與大氣,（揚州城嘅龍舟,蓬萊嘅祥龍之道等都有所體現）特別係建築上邊還原咗隋末唐初嘅華麗與錦繡。

從遊戲性方面嚟分析,烽火大唐嘅遊戲套路屬於隨大流,相信玩過此類GAME嘅朋友都好快上手。技能同職業都大同小異（目前仲未有將六職都玩嗮,因此僅作推測），光效上卻係有D華麗得驚人嘅驚艷。例如百花嘅流雲飛袖,出招起嚟猶如爛漫嘅金葉織夢,漫空飛舞嘅瞬間仲係令到見慣各種網遊各種招式既我耳目一新。

之後就係最重要嘅,亦都系最觸動我寫哩篇文嘅一點：細節。
之前都見到有人係世頻道講過,烽火大唐決定其與眾不同嘅地方,就係細節度！細節唔只表現係畫面上,更係一D需要用心體會，先會有驚喜發現嘅地方。

細節一：NPC嘅對話。烽火大唐嘅NPC對話絕對唔似一般網遊咁毫無營養單調重複。佢地一般都會講出一d帶有強烈主觀意識嘅話，而且有時候 very funny.

（令女npc：是金子，總會發光的，是鏡子，總會反光的。龍族王子龍鳴真：不蒸饅頭爭口氣行嗎？！

杜伏威老爹：大丈夫在世，當威震八方，橫掃六合，醒握殺人劍，醉臥美人膝。——遊戲入邊佢咁大塊頭，足足三層樓高，邊位靚女肯俾佢臥？- -）如果一直搵同一NPC講嘢，佢會隨機重複不同嘅話，最後仲會嗌攰，請你搵第個   ^_^。


細節二：聲音。E個系意外嘅發現,係淮南嘅東林書院外,踏住戲魚池外嘅柳木長排，穿過書院嘅漆紅木門,即時走進一個書香門第嘅世界當中。過咗小橋，我第一個睇到嘅唔係戲魚嘅華衣靚女,而係奪寶活動既NPC——隱元，（我一直以為佢叫銀元，今早先知睇錯咗）我激動咁撲埋去，點咗佢半日卻冷冰冰咁得到一句：現在不是活動開放時間。門前企住一名為孔夫子嘅Old Man，朗朗讀書聲即刻從佢身後緊閉嘅門內傳嚟，隨住我越行越近，讀書聲越嚟越清晰明亮，竟係一篇《論語》。Old Man面無表情咁盯實我，就好似一個捉正遲到學生嘅阿sir。再行近D，門卻依然緊閉，不得而入，係門外靜靜咁聽咗一陣，竟然聽出咗小小嘅感觸，先轉身離開。遠去前回首張望，老夫子兩邊條柱上有副對聯：書中自有顏如玉，書中自有黃金屋。

由於時間有限，就到此落筆，更多精彩，需要我地繼續期待烽火大唐嚟緊嘅其他測試。希望烽火大唐唔好令到大家失望喇~